نور الزهراء
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى عام لحواء
 
الرئيسيةأحدث الصورالتسجيلدخول

 

 تصدق والا ماتصدق

اذهب الى الأسفل 
كاتب الموضوعرسالة
Admin
Admin



المساهمات : 122
تاريخ التسجيل : 04/01/2009

تصدق والا ماتصدق Empty
مُساهمةموضوع: تصدق والا ماتصدق   تصدق والا ماتصدق Icon_minitimeالخميس مارس 12, 2009 4:04 am

تصدق وإلا ما تِصَدِّق .. أنا عَاجِزْ عَنْ التفكير
تعَالْ وشُوفْ في عينِيً غِيابكْ وشْ عَمَلْ فيني

حبيبي ما بُقى عِندي صَبرْ .. يتْحَمَّـلْ التأخير
رَحَلتْ .. وعِقبكْ الدنيا غلاها طاح مِنْ عيني

أجَاوبْ اللِّي يسْألني عَنْ أخْبَاري وأقولْ بخير
وأنا لا خِير بغيابكْ .. ولا حَاجَه .. تهنيني

على طاريكْ كِلْ لحظه .. ولا أحتاج للتذكير
حَريصْ القلب ما ينسَى عيونِكْ , لا توصيني

مَحَدْ يِقْدَر يعَوِّضْنِي لأنِّكْ .. في عيُوني غير
ومَهْمَا شِفتْ أنا الفرحَه .. بدونِكْ ما تسليني

وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني

مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني

مِثلْ طيرٍ كِسَرْ بُعْدِكْ جَناحَه وما قِدَرتْ اطير
أحَاولْ أبْتِسِمْ وأنْسَى ولكنْ وشْ ينسيني..؟!

أشُوفِكْ في صباحي إنتْ مَعْنَى يا صباح الخير
وأشُوفِكْ في مَسَائي حِلْم وردي .. لا تصحيني

تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني

أنامْ شلونْ ومشكلتي عِجزتْ ألقى لَهَا تدبير
طِلَبتْ النُومْ .. لحظاته وعيَّا النُوم يعطيني

تغيَّر وجْهَي .. مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كافي خذيتْ اللِّي يكفيني
تعَالْ: ومِدْ لِي .. كَفْ الوَصِلْ .. وآمِدْ كَفيني

يا أغلى مِنْ رَحَل عنِّي يا كِلْ الحُبْ والتقدير
تعَاااااالْ إنْ كان لِي عِندِكْ مَعَزَّه وكان تغليني

تعَالْ: إنْ كِنتْ تعشقني وإذا فِعلاً تبي لي خير

إذا كانْ الجِفا واجِبْ بدى مِنْ قلبي التقصير
أبيكْ الحِينْ .. تِرجَعْ لِي ولا تِرجَعْ تخليني

أنا ما أقولْ اللِّي صَار فِيني ما هقيته يصير
لأنِّي كِنتْ .. ( مِتأكِدْ ) .. بأنْ البُعد (ينهيني)



منـــــــــــــــــــــقول

حياتي قبل تحياتي




الرجوع الى أعلى الصفحة اذهب الى الأسفل
https://noor-al12.7olm.org
 
تصدق والا ماتصدق
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
نور الزهراء :: المنتديات الادبية :: همس القوافي-
انتقل الى: