لا والذي حط الغلا

Admin المساهمات : 122 تاريخ التسجيل : 04/01/2009

لا والذي حـط الغـلا !! مانسيتـك
وشلون أبنسى !! منهو أغليه وأهواه

وشلون أبنسى وأنت روحي فديتـك
يوم إن غيرك يطلب الـروح تفـداه

صديت عنّـه طامـع ٍ فـي مبيتـك
وسط العيون السهد والكون تنسـاه

لكـن ظنونـك زايــده لابكيـتـك
خل الظنـون وكـل شـك ٍ تلافـاه

ماتـدري إنـي لابغيتـك لقيـتـك
في نون عيني تلاعب الرمش ترعاه

ماتـدري إنـي لاسمعتـك قريتـك
وأضـم بأسمـك والشفايـا تحـالاه

والله لـو تبغـى عيونـي عطيتـك
مجنون خل ٍ ماعطـى خـل مبغـاه

والله لـو تسـري ببالـي سريتـك
وأرقب هلالك من بدايـات مسـراه

وشفيك ماتذكـر مكـان ٍ مشيتـك
يوم الخطاوي دربها الشوق غطـاه

أذكرك وأثري وسط قلبـي نسيتـك
وأثري نسيت الخوف والـلا مبـالاه

يومك حويت النفـس وأنـا حويتـك
نفس ٍ بنفس وقربها الشـك يخشـاه

يومك على كلـي هويـت وهويتـك
بأعماق حبك طحت والحـب محـلاه

لا والـذي حـط الغـلا مانسيـتـك
وشلون أبنسى من وصالـي تمنـاه

منقووول